الصيف داخل ! و لازم نعرف ازاى نشترى التكييف المناسب ؟

ازاى نشترى التكييف المناسب؟

لازم نعرف أزاى نشترى تكييف , كلنا عارفين ان الشائع هو ان اى حد بيجى يشترى تكييف بيتعامل مع التكييف بالحصان , ان كل لما الحصان يزيد كل ما التكيف هيبقى جبار و قدرتة على التكييف هتبقى افضل , كل ده جميل بس فى المقال ده هنعرف ان مش بس الحصان هو المقياس للتكييف اللى على اساسة أقدر اقول انا اشتريت تكييف كويس ولا تكيف ضعيف , يلا بينا نعرف شوية حاجات مهمة جدا و احنا بنشترى التكييف لازم , انا برر تانى لازم نبص عليها.

حاجات مهمة كده فى الاول لازم نعرفها فى حسابات التكييف:

 ازاى نشترى التكييف المناسب

ما هى العوامل التى تتوقف عليها عملية التكييف؟

1- الظروف المناخية

2- جودة مواد البناء (علشان تسرب الحرارة من الجدران)

3- احمال الانارة الداخلية

4- عدد الاشخاص فى المكان

5- الاجهزة الكهربية اللى فى المكان

كل العوامل دى مهمة و ان كان مفيش حد بيبص عليها كلها بس لازم ناخد بالنا منها 

بمعنى ان لو عندى جهاز بيسحب 1 وات فده هيطلع 3.4 بى تى يو (BTU ) حرارة فلو عندى جهاز و ان كانت الانارة مثلا 100 كيلو وات فاحنا هنبقى محتاجين 20 كيلو وات ساعة (KWH) تبريد مثلا هنعرف الرقم ده جه منين كمان شوية , بس بأختصار كده لو لمبة استهلكت طاقة هينبعث منها حرارة و هنبقى محتاجين من التكييف بتاعنا يعوض الحرارة دى .

فى حاجة اسمها ثابت التحويل اللى بيحولى من التبريد للكيلو وات , الثابت ده بيقولى معدل استهلاك الطاقة للتتكيف عشان يبرد المكان و يعوض الحرارة الى موجدوة فى المكان بسبب الحاجات اللى فوق دى

ثابت التحويل  : تتراوح قيمتة من 1.1 الى 2.7 و كلما قلت قيمة الثابت ده كلما كانت جودة التصنيع افضل بكتير , لان استهلاكة للطاقة اقل حتى لو كان اغلى عند الشراء , لكن هيوفرلى كتير على المدى البعيد لانة هيوفرلى فى استهلاك الطاقة.

الخلاصة وبدون الدخول فى التفاصيل و انت بتشترى التكييف بص على ثابت التحويل ده و اختار الاقل فى الرقم و هتبقى بتشترى تكييف هيديك نفس قدرة التبريد لتكييف له نفس الحصان ولكن بيستهلك طاقة اقل عشان كده ممكن تلاقية اغلى.

تانى حاجة لازم نبص عليها حاجة اسمها ال Seer number

ال Seer number : 

1- يجب عند شراء اى دهاز تكييف التعرف على قيمة السير

2- هو مؤشر عن كفاءة جهاز التكييف و يتراوح بين 10 -25

3- كلما كانت قيمتة اعلى فذلك مؤشر عنة كفاءة التكييف العالية و بالتلى هيكون اغلى من اى جهاز فى نفس الفئة بتاعتة .

باختصار وانت بتشترى تكييف بص على حاجتين:

1- ثابت التحويل و ده اختار الرقم الاقل ( 1.1: 2.7)

2- رقم السير seer و اختار الاعلى ( 10:25)